Færslur

Okkur langar að þakka fyrir mjög ánægjulega ferð [með Spirit í 12 daga frá Barcelona til Feneyja] sem fór fram úr okkar væntingum. Andinn í skipinu er mjög góður allir svo glaðir og elskulegir. Fararstjórnin [Inga Björk] var langt umfram væntingar. Ekkert hefði getað verið betra að okkar mati. Vonandi eigum við eftir að ferðast með ykkur aftur. Takk fyrir okkur.

E. Súsanna og Jakob

Sæl,

Takk fyrir síðast. Brosið nær ennþà allan hringinn og við erum búin að stofna safnreikning fyrir næstu ferð.

Við finnum ekkert sem við getum kvartað yfir þetta var bara fràbær upplifun frá upphafi til enda, eintóm sæla.

Kær kveðja,

Helga og Jonni

Sæll Skúli.

Við hjónin þökkum kærlega fyrir ánægjulega ferð. Hún var í alla staði mjög góð. Við höfum enga viðmiðun, fyrsta ferðin okkar og allar væntingar stóðust. Við lærðum heilmikið og sáum staði sem við höfum aldrei séð fyrr. Stórkostleg upplifun.

Þessi ferð er algjörlega ógleymanleg. Hlökkum til að fara í næstu ferð.

Kveðja.

Björg og Þórður

Sæll Skúli og þið öll [samferðafólk]

Takk fyrir góða og skemmtilega ferð [7 dags sigling með Epic um Miðjarðarhafið]

Þetta var góð fararstjórn og skemmtilegir ferðafélagar.

Það stóðst allt um ferðina og allt eins og það átti að vera.

Gönguferðirnar með þér Skúli voru góðar og skemmtilegar. Léttar og afslappaðar svo það gátu allir verið með og ekkert stress.

Takk fyrir allir að gera góða ferð enn skemmtilegri.

Kveðja

Pétur Bjarni og Sigga.

Takk fyrir okkur, þetta gat ekki verið betra.

Kveðja

Þórir og Sibba

Nokkur orð um ferðina [í febrúar til Kanarí].

Frábær ferð í alla staði, auðvitað spilaði veðrið aðeins inn í eins og gengur. Góð þjónusta um borð og frábærar kvöldskemmtanir, en við vorum flest sammála um að velja hefði mátt danstónlist sem hæfði betur þeim aldurhópi sem var um borð. Vantaði meira almenna dans músik heldur en diskó.

Auðvitað væri gott að hafa styttri bið á flugvöllum.

Fín farastjórn hjá þér Skúli, þú að heiður skilið fyrir það.

Sjáumst vonandi fljótt aftur.

Jón Ingi og Adda.

Við erum mjög ánægð með ferðina [með Epic í Miðjarðarhafinu haustið 2013], góðar upplýsingar fyrir ferðina og góð fararstjórn. Farastjóri með fastan viðtalstíma daglega, en samt alltaf til staðar eða sjáanlegur á öðrum tímum og duglegur að láta okkur vita hvað var í boði hvern dag og vera með okkur í ferðum í landi.

Öll aðstaða í skipinu frábær. Mjög vel skipulagt þegar við komum í höfn, með rútur til og frá skipinu og vel tekið á móti okkur á bryggjunni þegar við komum úr ferðum. Skemmtidagskrá um borð mjög góð og góður matur.

Takk fyrir okkur,
Bína og Kristmann.

Sæll Skúli.

Þú baðst okkur að senda þér fáein orð um það hvernig okkur hefði fundist í ferðinni með Epic núna um mánaðarmótin ágúst/sept, bæði jákvætt og neikvætt.

Í stuttu máli var ferðin frábær, sannkallað ævintýri. Þar sem við höfðum áður farið í siglingu þá vissum við nokkuð við hverju var að búast, en þessi ferð fór fram úr því sem við höfðum átt von á. Allt í ferðinn gekk mjög vel og stóðst allt sem planað var. Skipið var meiriháttar og framboðið af afþreyingu var þvílíkt að maður hefði alveg verið til í að fara annan hring til að geta komist yfir þó ekki væri nema helming þess sem í boði var.

Og rúsínan í pylsuendanum var síðan farastjórnin, við höfum aldrei áður kynnst svona persónulegri fararstjórn og jók það mjög ánægju okkar og öryggi í ferðinni. Þú sást til þess að maður var alltaf með allt á hreinu hvað stóð til og hvernig manni bar að bera sig að, og þá er ekki nema helmingurinn af farastjórninni nefnd, þar sem hún var svo langt umfram það sem við höfum áður átt að venjast.

Að lokum er bara eitt sem okkur dettur í hug að hafi verið neikvætt við ferðina: henni lauk.

kv.
Siggi Geirs og Steina Ólafs.

Viljum nota þetta tækifæri til að senda ykkur þakkir og þá sérstaklega frábærum fararstjóra okkar honum Skúla Unnari fyrir mjög góða ferð í alla staði. Við höfum ferðast mikið á liðnum árum með hinum ýmsu ferðaskrifstofum og verðum að segja að betri fararstjórn en frá Skúla Unnari höfum við ekki orðið vitni að, alveg frá því í Leifstöð við brottför og þar til við heimför frá Orlando var Skúli Unnar allsstaðar sjáanlegur og boðinn og búinn til aðstoðar okkur farþegunum. Allt fyrirkomuleg hvort sem var inntékkun á Hótelið eða í Norwegian Pearl gekk sérlega vel fyrir sig sem ég tel vera vegna skipulagningar farastjórans.

Á sömu nótum var öll upplýsingjagjöf í aðdraganda ferðar til fyrirmyndar og hefur maður ekki kynnst svo góðri ferðaþjónustu í okkar fyrri ferðum. Þetta var okkar fyrsta lengri sigling og hikum við ekki við að mæla með kaupum frá ferðaskrifstofunni við vini okkar og fjöldkyldur, reynsla okkar var það góð, það sem réði því að við völdum þessa siglingu voru áhugaverðir áfangastaðir og svo tiltölulega hagstætt verð sem samkvæmt ofansögðu sveik ekki. Við fórum í þrjár skoðunarferðir og stóð Bob Marley ferðin á Jamæka uppúr og verður sérlega minnisstæð.

Skúli Unnar lagði að okkur að við mundum láta vita hvað mætti betur fara varðandi ferðina þegar heim væri komið, vorum við að grínast með að Buffetin þyrftu að vera nær klefunum, og þyrfti að lengja aðeinsí sólarhringnum (segir þetta ekki margt um ferðina). Ég bókaði fyrirfram á vef skipafélagsins tvær lengri skoðanaferðir og svo tvo veitingastaði með dúkagjaldi (þetta hefði ekki þurft að gerast, ekki óhagstæðara að gera þetta bara um borð í Usd heldur enn að greiða fyrirfram í óhagstæðum Evrum sem var of lágt reiknuð sem viðmið á Usd).

Um borð var Skúli Unnar allstaðar sjáanlegur okkur farþegunum og sendi okkur bréf “HVAR ER SKÚLII” okkur til upplýsinga en hefði heldur átt að senda miðað við hans þjónustu “HVAR
ER SKÚLI EKKI” . Niðurstaða okkar er eftir þessa ferð að hún tókst í alla staði sérlega vel og sendum við okkar bestu þakkir til ferðaskrifstofunnar og þá sérstaklega Skúla Unnars.

Okkar bestu kveðjur.
Magga og Guðmundur.