Færslur

Maðurinn minn hafði lengi átt þann draum að fara í siglingu. Í tilefni að 60 afmæli hans var ákveðið að láta drauminn rætast. Við eyddum dágóðum tíma í að leita á netinu að áhugaverðri skemmtisiglingu. Eftir langa leit duttum við niður á ferð sem hentaði okkur vel, bæði tímasetning og verðlagning, það var ferð með umboðsaðila Norwegian Cruise Line [með Getaway um karíbahafið í nóvember].

Við urðum ekki fyrir neinum vonbrigðum, Skúli fararstjóri var einstaklega skýr í sínum leiðbeiningum um hvernig ætti að haga ferðinni og mjög upplýsandi um hvernig best væri að fá sem mest út úr þessari ferð. Hann var alltaf í kallfæri ef maður þurfti að leita til hans fyrir utan viðtalstímann og var öllum hnútum kunnugur.

Siglingin var eitt ævintýri, veðrið dásamlegt og mikið að gera um borð í skipinu og á þessari viku komst maður ekki yfir allt sem hægt var að gera. Einstaklega þægilegt var að engir peningar voru notaðir um borð heldur bara kort sem maður sýndi og ekki hætta á misnotkun.

Við mælum með þessari ferð og erum byrjuð að safna fyrir næstu ferð.

Takk fyrir okkur,

Sigrún og Ingólfur

Sæll Skúli.

Þakka þér fyrir skemmtilega viðkynningu og frábæra fararstjórn í ferðinni okkar góðu [Með Getaway um karíbahafið í nóvember].

Nú þegar fyrstu hughrif ferðalagsins eru að baki og horft er í baksýnisspegilinn þá er niðurstaðan þessi. Þetta er enn jafn stórkostlegt. Ég hef aldrei verið í jafn afslöppuðu fríi. Að vera með fararstjóra sem sér svona vel um sína er æði. Að skilja við töskurnar við hótelið í Orlando og hitta þær svo aftur fyrir utan káetuna sína er tær snilld. Fyrirkomulag og aðbúnaður á skipinu í alla staði frábær. Mér leið eins og drottningu um stund.

Ég vonast til að við eigum eftir að sigla aftur saman.

Njóttu lífsins.

Gleðilega hátíð

Ingibjörg

Sæll Skúli og takk fyrir síðast.

Páska siglingin í Karabíska var öll frá upphafi til enda frábær bæði á sjó og landi. Skipið nánast nýtt með öllu sem til þarf og miklu meira en það. Maturinn var alveg frábær, svo maður tali nú ekki um starfsfólkið sem var að okkar mati sérstaklega liðlegt.

Punkturinn yfir iið var svo fararstjórinn sjálfur hann Skúli sem var svo sannarlega í vinnunni. Hann passaði vel upp á sína og sá til þess að fríið yrði sem ánægjulegast og áhyggjulaust.

Sitjum hér með frosið brosið í snjónum fyrir norðan og látum okkur dreyma um suðræna slóð.

Takk kærlega fyrir okkur.

Jónas og Sigga

Sæll Skúli,

Við hjónin viljum þakka þér fyrir flotta fararstjórn og undirbúning í ferðinni með Jade um Eyjahafið. Ferðin var mjög skemmtileg og gaman að koma á alla staðina. Skipið er flott og þjónustan mjög góð. Gaman var að kynnast aðeins öllum skemmilegu ferðafélögunum. Við getum hiklaust mælt með umboðsaðila Norwegian Cruise Line og fararstjóra.

Bestu kveðjur,
Hólmfríður og Björn

Ps. Það hefði mögulega verið þægilegra að ferðast að degi til Feneyja og heim frá Mílanó, en kannski erfitt að koma því við.

Heill og sæll Skúli og takk fyrir góða og þétta ferð.

Við hjónin vorum svo lánsöm að ferðast með Norwegian Getaway um síðastliðna páska á vegum umboðsaðila Norwegian Cruise Line. Segja verður, að ferðin stóðst allar okkar væntingar og gott betur. Allt skipulag og fararstjórn stóð eins og stafur á bók og ber að þakka það sérstaklega.

Skipið var allt hið glæsilegasta með frábærri aðstöðu, veitingastöðum og rúmgóðum svalaklefum. Athygli okkar um borð, vakti mikið hreinlæti og ákafi starfsmanna að láta gestum líða sem best, hvar sem farið var um skipið.

Skúli farastjóri stóð vaktina af stakri prýði og var eins og fararstjórar eiga að vera, rólegur, skipulagður, traustur og úrræðagóður og ávallt til staðar. Það ber að þakka. Við hjónin gefum því páskaferð ferðaskrifstofunnar með Getaway, okkar bestu meðmæli.

Þetta var sannarlega draumaferð með miklum lúxus.

Stefán Hrafn og Ása Hrönn, Grafarvogi í Reykjavík

Sæll Skúli og TAKK FYRIR SÍÐAST!

Við fórum með umboðsaðila Norwegian Cruise Line í siglingu um Karabíska hafið um síðustu páska. (2016).

Þetta var okkar fyrsta sigling. Ferðin var í alla staði dásamleg og stóð svo sannarlega undir væntingum. Hótelið í Orlando er gott og frábærlega staðsett og skipið maður – SKIPIÐ! Þar vorum við svo sannarlega á 5 stjörnu fljótandi hóteli. Klefinn passleg stór og vel útbúinn og ekki skemmdu svalirnar. Allur matur mjög góður og hægt að borða hreinlega allan sólarhringinn. Hreinlætið um borð til algjörrar fyrirmyndar. Virkilega fært tónlistarfólk og skemmtikraftar. Hægt að velja á milli staða um allt skip hvort sem maður vildi rólegheit eða stuð. Dagskrá allan daginn ef maður vildi ekki liggja í sólbaði og lesa bók. Góðar upplýsingar um allt skip um það hvað væri um að vera. Börn og unglingar höfðu í nógu að snúast. Starfsfólk skipsins stendur þó upp úr sem yfirmáta glaðlegt, vinalegt og hjálpsamt. Yfirmenn voru sýnilegir og andinn í skipinu var eitthvað svo samheldinn og góður. Það eina sem við sáum neikvætt var spilavítið sem er stórt.

Við fórum í eina skipulagða ferð. Það var á Jamaica. Þar fórum við í Bob Marley ferð í gamalli rútu. Það var upplifun sem við hefðum aldrei viljað missa af.

Skúli Unnar Sveinsson var fararstjóri í þessari ferð. Maðurinn er hreint út sagt dásamlegur. Hann var í tölvupóstsambandi frá því um áramót og þar til við fórum út. Við vorum því gríðarlega vel undirbúin og ekkert kom á óvart. Þegar út kom fengum við áframhaldandi góðar upplýsingar um það sem var á döfinni og einhvernvegin var eins og maðurinn gæti “klónað sig” því hann var alltaf til staðar.

Við hikum ekki við að mæla með þessari ferð og þessu skipi – en við mundum fara hvert sem er með Skúla!

Gunnhildur Gylfadóttir og Hjálmar Herbertsson

Við hjónakornin viljum þakka þér kærlega fyrir frábæra fararstjórn í ferðinni um Karabíska hafið með Getaway um páskana 2016.

Ferðin var í alla staði frábærlega skipulögð og allt stóðst sem stafur á bók. Þú ert í senn yfirvegaður og afar þægilegur fararstjóri með auga fyrir öllum þáttum þíns starfs.

Frábært að leita til þín, hvenær sólarhrings sem farþegar þurfa sem eykur öryggi ferðarinnar.

Hlökkum til að fara aftur með ykkur undir þinni stjórn.

Kær kveðja, Hreinn og Kolbrún

Við hjónin höfum farið í margar utanlandsferðir með fararstjórum. Þeir hafa verið misjafnir eins og gengur. Allt frá því að skipta sér lítið af farþegunum upp í það að vera stöðugt að fræða fólk og segja frá.

Við höfum að vísu ekki farið í siglingu á skemmtiferðaskipi fyrr þannig að þessi ferð til 10 borga við Miðjarðarhafið var töluverð lífsreynsla fyrir okkur.

Varðandi fararstjórn Skúla þá var hún frábær. Hann undirbjó okkur mjög vel fyrir ferðina, minnti okkur á það sem við þurftum að gera í tæka tíð. Hann var vakandi og sofandi yfir velferð okka allan tímann í ferðinni og passaði sig á því að gera ekki of lítið og ekki of mikið með okkur þannig að hann var mjög þægilegur. Þetta er ábyggilega vandrataður meðalvegur svo að öllum líki. Hann var alltaf stundvís og aflaði sér allra upplýsinga sem hægt var um ferðina og þá staði sem við komum á og var góður leiðsögumaður um þær mörgu fögru borgir sem við heimsóttum í ferðinni.

Takk fyrir frábæra ferð og líka skemmtilegt samferðafólk sem við þekktum ekkert fyrir ferðina.

Kristín og Ómar

Sæll Skúli og takk fyrir síðast.

Við viljum þakka þér fyrir frábæra ferð og góða fararstjórn, þessi ferð er sú besta sem við höfum farið í á undanförnum árum,

með bestu hveðju

Hrafnhildur og Gísli

Sæll Skúli,

bestu þakkir frá okkur fyrir góða ferð sem þú gerðir frábæra, það verður örugglega leitað til þín aftur þegar þessi hópur fer í næstu ferð. Skipið var í sjálfum sér gott en okkur fannst það full stórt, allt fæði óaðfinnanlegt og mikið úrval, við myndum samt frekar kjósa klefa með svölum.

Kær kveðja frá okkur,

Ingunn og Símon