Category: Ferðasögur

Sæll Skúli,
Enn og aftur kærar þakkir fyrir frábæara ferð og góða farastjórn. Þú stóðst þig alveg upp á tíu og meira en það.

Siglinginn var í alla staði alveg frábær og yndisleg! Frastjórn Skúla Unnars Sveinssonar var til fyrirmyndar og hélt hann vel utan um hópinn bæði á sjó og landi.
Yndislegur hópur af fólki, frábært veður og góður matur. Gætum alveg hugsað okkur að fara aftur með Norwegian skipafélaginu þar sem þjónustan og allur aðbúnaður um borð var til fyrirmyndar. Mikið úrval af mat og drykkjum ásamt fjölbreytni í afþreyingu.
Ferðin með Súla travel í Gríska eyjahafið var fjölbreytt og margir skemmtilegir staðir heimsóttir.  Malta og Mykanos voru þeir staðir sem stóðu upp úr hjá okkur hjónunum, þrátt fyrir að við nutum þess að fara í land alls staðar þar sem boðið var upp á það.  Mæli eindregið með slíkri ferð!!!
Með kærri kveðju,
Edda og Ed.

Sæll Skúli

Þetta var fyrsta sigling okkar hjóna, og vonandi ekki sú síðasta.

Þetta var allt uppá 10. Aðbúnaður um borð og allar skoðunarferðirnar sem við fórum með þér voru skemmtilegar og áhugaverðar. Allir áfangastaðir mjög áhugaverðir.

Þú hélst vel utan um hópinn,varst stundvís og hress.

Bestu þakkir fyrir samveruna og hafðu það sem allra best.

Guðmundur Karl Ágústsson og Hjördís Birgisdóttir

Sæll Skúli Unnar og takk fyrir síðast,
Við hjónin þökkum kærlega fyrir mjög svo góða ferð með Sula Travel um Gríska eyjahafið 28.8 til og með 8.9.2024.
Við viljum hrósa þér fyrir afar gott skipulag allan tímann, frábær fararstjóri í alla staði. Greinilega vanur að telja allan hópinn, sjá til þess að allir skili sér fyrir og eftir ferðir. Einnig í nokkrum skoðunarferðum að vera síðastur þegar þörf var á leigubílum.
Einnig má hrósa skipafélaginu fyrir mjög gott skipulag, bæði við innritun og útritun, greinilega gert þetta allt margsinnis.
Öll aðstaða um borð til fyrirmyndar, frábærir veitingastaðir og starfsfólkið fyrsta flokks og ekki má gleyma matnum.
Mjög svo áhugaverðir staðir að skoða, nokkrir mjög góðir, má þar nefna Santorini, Mykonos, Katakolon, Valletta og Róm, hinir sæmilegir.
Okkur fannst afar skemmtilegt að kynnast þessum ágætu ferðafélögum – allir með sinn sjarma.
Að endingu – takk fyrir okkur. Við munum klárlega mæla með Sula Travel sem mjög góðan kost í skemmtisiglingum.
Kær kveðja,
Gunnar og Alla

Þökkum innilega fyrir áhugaverða og skemtilega ferð um Gríska eyjahafið 25

ágúst til 8 september 2024. Allt var svo skipulagt. Allt var svo vel skipulagt. Allar

þessar göngur og skoðunarferðir er við komum í land, voru alveg meiriháttar, þar sem við

upplifðum marga áhugaverða staði, undir stjórn frábærs fararstjóra Skúla Unnars Sveinssonar, sem hélt vel utan um hópinn bæði um borð og í landi.

Öll aðstaða um borð var til fyrirmyndar, og starfsfólkið vildi allt fyrir mann gera. Við kyntumst mikið af skemtilegu fólki í þessari ferð, og þetta var samheldin og góður hópur.
Kærar kveðjur til ykkar allra, og þökkum fyrir samveruna.
Guðný Dóra og Gunnar

Við erum mjög ánægð með túrinn [Rom um gríska eyjahafið í ág/sept], allan í heild, skemmtilegir viðkomustaðir, viðurgjörningur um borð og viðmót starfsfólksins framúrskarandi og á það einnig við um Skúla farastjóra.
kveðja, Katrín og Oddur

Þetta var frábær ferð [Frá Róm um gríska eyjahafið í ágúst/sept] og ógleymanleg upplifun í alla staði.
Skipið stóðst allar væntingar og meira en það.
Góðir ferðafélagarnir og Skúli frábær fararstjóri.
Bestu kveðjur
Ella og Inga

Sæll Skúli. 
Við höfum aðeins bara allt gott að segja um ferðina [óm um gríska eyjahafið í ág7sept], hún var alveg dásamleg í alla staði. Allar hafnir buðu upp á áhugaverða og fallega staði til að heimsækja en veðrið fór aðeins með þetta. Hvern hefði grunað að það yrði um 36°C flesta daga? Við munum hiklaust mæla með ferð sem þessari og erum auðvitað byrjuð að skipuleggja næstu ferðir með NCL. (Sumir gamlir og við upplifðum stundum að sumt væri aðeins of erfitt fyrir ýmsa).

Kveðja, Brynjólfur og Dagný

Þökkum Sula Travel viðburðaríka ferð/siglingu þar sem komið var víða við, oft strembið í miklum hita en alltaf áhugavert. Maturinn um borð var einstaklega góður. Takk Skúli fyrir röggsama stjórnun,
Með bestu kveðju
Eva og Margrét

Hæhæ Skúli og aftur takk kærlega fyrir samveruna.
Þetta var í fyrsta skiptið sem að ég hef farið í svona ferð og upplifun var hreint út sagt frábær. Ég fer sko alveg örugglega aftur í ferð með ykkur. Frábærir ferðafélagar og frábær fararstjóri 🤗 Kærleikskveðja til ykkar allra 🥰❤
Valey