Róm og Gríska eyjahafið 29 sept. – 12. okt 2025.
Flogið til Rómar með Icelandair. Gistum í þrjár nætur í Róm og förum síðan í 10 nátta siglingu með NCL Epic þar sem komið er við á Santorini, Aþenu, Mykonos og Corfu í Grikklandi, Valetta á Möltu, Messina á Sikiley, Napolí og Liveorno á Ítalíu áður en við komum til Civitavecchia, hafnarborgar Rómar. Þar förum við frá borði og beint út á flugvöll og fljúgum heim með Icelandair.
Glæsiskipið Norwegian Epic
Norwegian Epic er 155,873 brúttótonn, 329 metrar á lengd og tekur 4.100 farþega. Áhöfnin er 1.753 og ganghraði er 20 hnútar. Epic er glæsilegur farkostur þar sem smekkleg hönnun og lúxus er einkenni þess. Það er hreint ævintýri að sigla með skipinu.
Verð á mann, miðað við tvo í svalaklefa er kr. 775.000 og kr. 615.000 í innklefa
Fyrir einn í svalaklefa kr. 1.050.000 og einn í innklefa kr. 780.000
| INNIFALIÐ: | Flug fram og til baka, allur akstur milli flugvallar, hótels og skips. Gisting með morgunverði á hótelinu, tíu nátta sigling, íslensk fararstjórn, fullt fæði í skipinu og öll skemmtidagskrá um borð og þjórfé. Auk þessa velur hver klefi tvo af fjórum mismunandi “pökkum”. Drykkjarpakki: Allir gosdrykkir, áfengir og óáfengir drykkir að 15$ innifalið, nema vatn á flöskum, nýkreistur aldinsafi og kaffi á Starbuck. ATH Skattur getur lagst á drykki í sumum höfnum og þá fer sá kostanður á reikning viðkomandi. Matarpakkinn: tvisvar sinnum (innklefar og stúdíóklefar einu sinni) út að borða á sérstöku veitingastöðunum. WiFi: 150 mínútur á þráðlausa netinu um borð. Skoðunarferðapakki: 50 dollara inneign á klefa hvern dag til að nota í skoðunarferðir. Ath. Þessir tveir pakkar af fjórum eru innifaldur í verði og það þarf að velja drykkjarpakkann til að allir drykkir séu innifaldir. Þetta gildir aðeins fyrir 2 farþega í hverjum klefa. Ef þriðji farþegi bætist í klefann þá eru þessir pakkar ekki í boði fyrir þann farþega. |
| EKKI INNIFALIÐ: | Skoðunarferðir í landi á vegum skipafélagsins ef fólk fer í þær. VSK á mat og drykk í sumum löndum. |
Lágmarks þátttaka er 16 manns og áskiljum við okkur rétt til að fella ferðina niður ef næg þátttaka fæst ekki. Verð á ferð er reiknað út frá gengi USD og EUR á kaupdegi ferðar en verð á ferð getur breyst ef breyting verður á gengi ISK gagnvart USD og EUR.
29. sept Keflavík – Róm
Flogið með Icelandair til Rómar. Brottför kl.07:50 og lent í Róm kl.14:25 Ekið sem leið liggur upp á hótelið þar sem við gistum í tvær nætur.
30. sept. Róm
Notum þennan dag til að skoða Róm, enda margt og mikið að sjá í þeirri merku borg. Annan daginn fer fararstjóri í sex tíma gönguferð um Róm með þá sem það vilja.
1. okt. Siglingin hefst
Brottför frá hóteli um kl.11:30 og ekið til Civitavecchia. Epic leggur úr höfn klukkan 17:00.
2. okt. Á siglingu
Á siglingu allan daginn og nóg að gera um borð, skoða skipið, liggja í sólbaði eða bara gera eitthvað annað skemmtilegt.
3. okt. Santorini
Komið til grísku eyjarinnar Santorini kl 14:00 og leggjum í hann á ný kl 22:00. Skoðum Fira eða kíkjum í einhvern annan bæ á eynni.
4. okt. Aþena
Leggjum að bryggju í Pireus, hafnarborg Aþenu, kl 07:00 og leggjum í hann á ný kl 18.00. Nóg að skoða hér meðal annars Akropolis og Plaka.
5. okt. Mykonos
Komum til Mykonos kl 07:00 og farið á ný kl 14:00. Skemmtilegur lítill bær með þröngum götum og mjög gaman að ganga þar um.
6. okt. Corfu
Komið til eyjarinnar kl 12:00 og farið á ný kl 19:00. Gaman að rölta hér um, fara upp í gamla kastalann og kíkja yfir svæðið.
7. okt. Valletta
Þá erum við komin til enn einnar eyjarinnar og að þessu sinni Möltu. Leggjum að bryggju kl 13:30 og förum á ný kl 22:00. Skemmtileg eyja með mjög fallegu hafnarsvæði og skemmtilegum miðbæ.
8. okt. Messina
Komum til Sikileyjar kl 08:00 og förum á ný kl 18:00 og siglum þá um Messinasundið.
9. okt. Napolí
Komum hér kl 06:30 og förum á ný kl 16:15. Fyrir þá sem ekki hafa komið til Pompeii þá er það mjög áhugavert. Ítalir segja að Margareta pizzan hafi fyrst verð gerð hér og um að gera að smakka.
10. okt. Livorno
Komið kl. 09:00 og farið þaðan kl. 20:30. Flórens, Pisa (skakki turninn) og Cinque Terra eru meðal þess sem áhugavert er að skoða hér.
11. okt. Siglingu lýkur
Komum til Civitavecchia kl.06:15. Ekið frá skipi til hótels og gist í eina nótt.
12. okt. Ekið frá hóteli til flugvallar og flogið heim með Icealndair. Brottför kl.15:55 og lent í Keflavík kl.18:45
Fararstjóri:
Fararstjóri í ferðinni er Skapti Hallgrímsson. Skapti er Akureyringur og starfaði í fjöldamörg ár sem blaðamaður á Morgunblaðinu, allt þar til haustið 2018. Hann skrifaði lengi um íþróttir og var fréttastjóri íþróttadeildar í liðlega áratug, en síðustu 20 árin starfaði hann einkum og sérílagi á sunnudagsritstjórn blaðsins, þar sem persónuleg viðtöl hans vöktu oft mikla athygli. Þá er Skapti góður ljósmyndari eins og lesendur Morgunblaðsins vita mætavel.
Skapti hefur skrifað fjórar bækur, sú nýjasta fjallaði um þátttöku íslenska karlalandsliðsins í knattspyrnu á HM í Rússlandi. Hann var fararstjóri á árum áður, fór þá með marga hópa á knattspyrnuleiki í Englandi.
Haustið 2020 eignaðist Skapti og endurvakti frétta- og mannlífsmiðilinn Akureyri.net sem er gríðarlega vinsæll.
