Frá Southampton til Reykjavíkur 3. – 15. júní.

Flogið til London að morgni 3. júní, ekið sem leið liggur til Southampton þar sem gist er í eina nótt. Farið er um borð í NCL Prima daginn eftir. Lagt af stað kl 17:00 og siglt til Brussel, Amsterdam, Bergen, Geiranger og Álasunds, Newhaven (Edinborg) og Invergordon í Skotlandi, Stavanger, Álasunds, Hellesylt og Geiranger í Noregi áður en stefnan er sett á Ísland þar sem komið er við á Akureyri og Ísafirði áður en komið er til Reykjavíkur þar sem siglingunni lýkur.

Glæsiskipið Norwegian Prima

Norwegian Prima er nýjasta skipið í flota NCL,142.500 brúttótonn, 294 m á lengd og 41 metri breitt. Farþegar eru 3.219 og 1.386 eru í áhöfn þess. Skipið var smíðað árið 2022 og er afar glæsilega innréttað og þar fer ákaflega vel um farþega.

Verð á mann, miðað við tvo í svalaklefa er 620.000 og í innklefa 500.000

INNIFALIÐ: Flug til London, akstur frá flugvelli að skipshlið. Ellefu nátta sigling, íslensk fararstjórn, fullt fæði í skipinu og öll skemmtidagskrá um borð og þjórfé.
Auk þessa velur hver klefi tvo af fjórum mismunandi “pökkum”. Drykkjarpakki: Allir gosdrykkir, áfengir og óáfengir drykkir að 15$ innifalið. Matarpakkinn: þrisvar sinnum út að borða á sérstöku veitingastöðunum. WiFi: 250 mínútur á þráðlausa netinu um borð. Skoðunarferðapakki: 50 dollara inneign á klefa hvern dag til að nota í skoðunarferðir. Ath. Þessir tveir pakkar af fjórum eru innifaldur í verði og það þarf að velja drykkjarpakkann til að allir drykkir séu innifaldir. Þetta gildir aðeins fyrir 2 farþega í hverjum klefa. Ef þriðji farþegi bætist í klefann þá eru þessir pakkar ekki í boði fyrir þann farþega.
EKKI INNIFALIÐ: Skoðunarferðir í landi á vegum skipafélagsins ef fólk fer í þær.

Lágmarks þátttaka er 16 manns og áskiljum við okkur rétt til að fella ferðina niður ef næg þátttaka fæst ekki. Verð á ferð er reiknað út frá gengi USD og EUR á kaupdegi ferðar en verð á ferð getur breyst ef breyting verður á gengi ISK gagnvart USD og EUR.

3. júní. Flug til London

Flogið til London og ekið til Southampton þar sem gist er í eina nótt.

4. júní. Sigling hefst

Flogið að morgni til London, farið með rútu til Southampton þar sem við förum um borð í Norwegian Prima og skipið leggur í hann kl 17:00

5. júní. Brussel

Komum til Brussel í Belgíu kl 09:00 og farið þaðan á ný kl 18:00.

6. júní. Amsterdam

Komum til Amsterdam í Hollandi kl 07:00 og förum á ný kl 18:00.

7. júní. Á siglingu

Á siglingu allan daginn á leið okkar til Noregs. Um að gera að njóta þess sem í boði er um borð.

8. júní. BergenKomið til Bergen í Noregi kl 07:00 og farið á ný kl 16:00.

9. júní. Geiranger

Gríðarlega fallegt að sigla til Geiranger en þangað komum við kl 08:00 og förum á ný kl 22:00.

10. júní. Álasund

Komið til Álasund kl 07:00 og farið á ný kl 15:00.

11. júní. Á siglingu

Nú er stefnan sett á Ísland og við eyðum deginum á Atlantshafinu.

12. júní Ísafjörður

Komum til Ísafjarðar í hádeginu og sstoppum til kl 20:00.

13. júní. Akureyri

Leggjum að bryggju kl 08:00 og lagt í hann á ný kl 17:00.

14. júní. Reykjavík

Komum til höfuðborgarinnar kl 13.30 og gist verður um borð í eina nótt.

15. júní. Reykjavík

Nú fara allir frá borði og nýir farþegar mæta til að sigla sömu leið til baka.

Fararstjóri:

Skúli Unnar Sveinsson - FararstjóriFararstjóri í ferðinni er Skúli Unnar Sveinsson. Skúli er stjórnmálafræðingur að mennt, starfaði lengi við blaðamennsku og við leiðsögn hjá Samvinnuferðum og Terra Nova á árum áður.

Skúli hefur mikla reynslu af því að sigla með hópa í skemmtisiglingum enda er oft sama fólkið að sigla með honum ár eftir ár.

Ánægðir viðskiptavinir Norrænu Ferðaskrifstofunnar er okkar aðalmarkmið og leggjum við metnað okkar í að vanda til verka og bjóða aðeins ferðir í hæsta gæðaflokki.

Sjá ummæli farþega hér.