Brottför 14. maí – Heimkoma 27. maí.

Flogið til Barcelona 14. maí og gist þar í tvær nætur áður en siglingin hefst. Komið er við í Cannes í Frakklandi, Livorno, Róm, Napolí og Cagliari á Ítalíu, Mallorka og Ibiza áður en leiðin liggur á ný til Barcelona, þar sem við gistum í tvær nætur.

Glæsiskipið Norwegian Epic

Norwegian Epic er 155,873 brúttótonn, 329 metrar á lengd og tekur 4.100 farþega. Áhöfnin er 1.753 og ganghraði er 20 hnútar. Epic er glæsilegur farkostur þar sem smekkleg hönnun og lúxus er einkenni þess. Það er hreint ævintýri að sigla með skipinu.

Verð á mann, miðað við tvo í svalaklefa 550.000 og í innklefa 490.000 kr.

Einn í innklefa 651.000. Stúdíó 565.000.

INNIFALIÐ: Flug fram og til baka, allur akstur milli flugvallar, hótels og skips. Gisting með morgunverði á hótelinu, sjö nátta sigling, íslensk fararstjórn, fullt fæði í skipinu og öll skemmtidagskrá um borð og þjórfé.
Auk þessa velur hver klefi tvo af fjórum mismunandi “pökkum”. Drykkjarpakki: Allir gosdrykkir, áfengir og óáfengir drykkir að 15$ innifalið. Matarpakkinn: tvisvar sinnum út að borða á sérstöku veitingastöðunum. WiFi: 250 mínútur á þráðlausa netinu um borð. Skoðunarferðapakki: 50 dollara inneign á klefa hvern dag til að nota í skoðunarferðir. Ath. Þessir tveir pakkar af fjórum eru innifaldur í verði og það þarf að velja drykkjarpakkann til að allir drykkir séu innifaldir. Þetta gildir aðeins fyrir 2 farþega í hverjum klefa. Ef þriðji farþegi bætist í klefann þá eru þessir pakkar ekki í boði fyrir þann farþega.
EKKI INNIFALIÐ:

Skoðunarferðir í landi á vegum skipafélagsins ef fólk fer í þær.

Lágmarks þátttaka er 16 manns og áskiljum við okkur rétt til að fella ferðina niður ef næg þátttaka fæst ekki. Verð á ferð er reiknað út frá gengi USD og EUR á kaupdegi ferðar en verð á ferð getur breyst ef breyting verður á gengi ISK gagnvart USD og EUR.

14. maí. Keflavík – Barcelona

Flogið með Icelandair um Amsterdam og til Barcelona og lent þar um kvöldið. Þá er ekið upp á hótel þar sem gist verður í tvær nætur.

15. maí. Barcelona

Frjáls dagur í Barcelona, en þar er margt að sjá enda borgin einstaklega falleg og skemmtileg. Hvort sem fólk vill hafa það menningarlegt og skoða eitthvað af fjölmörgum listasöfnum borgarinnar, eða bara rölta Römbluna og skoða mannlífið, nú eða þá skella sér á ströndina, þá er af nógu að taka.

16. maí. Sigling hefst

Leggjum af stað frá hótelinu kl. 12:00 og ökum niður á bryggju þar sem við förum um borð í EPIC. Brottför er kl. 17:00.

Rue meynadier

17. maí. Cannes

Nú erum við komin til Frakklands, nánar tiltekið til Cannes. Hér er ýmislegt hægt að gera því Cannes er meira en bara rauði dregillinn og dýrar merkjabúðir. Fallegar þröngar götur sem mjög gaman er að rölta um og svo auðvitað að skoða rauða dregilinn og annað sem fylgir því öllu saman. Komið þangað kl. 08:30 og lagt úr höfn kl. 18:30.

Pisa - Skakki turninn

18. og 19. maí. Livorno

Komið til Livorna kl. 06:30 þann 18. maí og lagt úr höfn á ný kl. 19:00 daginn eftir. Sem sagt tveir heilir dagar í Livorno. Hér er tilvalið að skjótast til borgarinnar Flórens, sem er gríðarlega falleg borg og virkilega gaman að skoða miðbæinn þar. Ekki er heldur óvitlaust í leiðinni að renna við í Pisa og kíkja á skakka turninn. Cinque Terre er einnig einstaklega skemmtilegur staður.

Trev í Róm

20. maí. Civitavecchia / Róm

Lagt við bryggju í Civitavecchia kl. 06:30 og farið af stað á ný kl. 19:00. Allar leiðir liggja til Rómar og þar er mikið og margt að skoða. Athugið þó að Róm var ekki byggð á einum degi og ekki er hægt að skoða hana alla á einum degi. Páfagarður, Colloseum, Roman Forum, Vatikanið og mörg falleg torg víða um borgina er meðal þess sem hægt er að kíkja á.

21. maí. Napolí

Komið til Napolí kl. 06:30 og lagt úr höfn kl. 17:00. Hér er margt hægt að gera og ef fólk hefur ekki komið til Pompei og skoðað rústirnar þar þá er það mjög áhugavert. Hægt er að skjótast með báti yfir til Kaprí, sem er lítil og falleg eyja. Einnig er mjög gaman að fara til Sorrento, en leiðin þangað er mjög brött og falleg.

22. maí. Cagliari

Nú erum við komin til Sardiníu, nánar tiltekið til Cagliari á suðurströnd eyjarinnar. Komið kl 09:00 og farið á ný kl 16:00.

Marseille

23. maí. Palma á Mallorka

Komið er til Palma á Mallorka kl. 12:00 og farið þaðan kl. 23:00. Margt skemmtilegt að gera hér, fara á stönd, í flottar skoðunarferðir eða bara rölta upp í bæ og kíkja aðeins í búðir.

24. maí. Ibiza

Leggjum að bryggju á eyjunni fögru kl 07:00 og leysum landfestar kl 18:00. Fallegar strendur, skógi vaxin fjöll og skemmtilegur miðbær.

Sagria

25. maí. Siglingu lýkur

Komið til Barcelona snemma morguns og haldið upp á hótelið þar sem við gistum í tvær nætur. Tilvalið að nota þessa tvo daga til að kíkja á það sem fólk komst ekki yfir fyrir siglinguna.

Rambla

27. maí. Heimferð

Förum snemma frá hótelinu og út á flugvöll og heim til Íslands.

Fararstjóri:

Fararstjóri í ferðinni er Skapti Hallgrímsson. Skapti er Akureyringur og starfaði í fjöldamörg ár sem blaðamaður á Morgunblaðinu, allt þar til haustið 2018. Hann skrifaði lengi um íþróttir og var fréttastjóri íþróttadeildar í liðlega áratug, en síðustu 20 árin starfaði hann einkum og sérílagi á sunnudagsritstjórn blaðsins, þar sem persónuleg viðtöl hans vöktu oft mikla athygli. Þá er Skapti góður ljósmyndari eins og lesendur Morgunblaðsins vita mætavel.
Skapti hefur skrifað fjórar bækur, sú nýjasta fjallaði um þátttöku íslenska karlalandsliðsins í knattspyrnu á HM í Rússlandi. Hann var fararstjóri  á árum áður, fór þá með marga hópa á knattspyrnuleiki í Englandi.

Sjá ummæli farþega.

Epic Balcony State room
Epic Climbing Wall Couple
Epic O Sheehans
Epic Le Bistro
Epic Moderno
Epic Courtyard
Epic Fitness
Epic Atrium Café
Epic Inside State room
Epic Aqua Park Family Splash
Epic Aqua
0Epic The Manhattan Room
Epic Ice Bar
Epic Deluxe Owners Suite Living Room
Epic Ultra Lounge