Grikkland og Ítalía 11. – 23. ágúst.

Flogið til Rómar með Icelandair með viðkomu í Amsterdam. Gistum í tvær nætur í Róm og förum síðan í 9 nátta siglingu með NCL Breakaway þar sem komið er við á Santorini, Mykonos og Korfú í Grikklandi, Valletta á Möltu og síðan ítölsku hafnana Messinu á Sikiley, Napolí og Liveorno áður en við komum til Civitavecchia, hafnarborgar Rómar. Þar förum við frá borði og beinustu leið út á flugvöll og fljúgum heim um Amsterdam.

Glæsiskipið Norwegian Getaway

Norwegian Getaway er 145.655 brúttótonn, 325 m að lengd og tæplega 52 m breitt. Farþegar eru 3.963 og 1.657 eru í áhöfn þess. Skipið var byggt árið 2013 og fór í góða yfirhalningu árið 2018.  Skipið er afar glæsilega innréttað og þar fer ákaflega vel um farþega.

Verð á mann, miðað við tvo í svalaklefa er 600.000 og 520.000 í innklefa.

INNIFALIÐ: Flug fram og til baka, allur akstur milli flugvallar, hótels og skips. Gisting með morgunverði á hótelinu, níu nátta sigling, íslensk fararstjórn, fullt fæði í skipinu og öll skemmtidagskrá um borð og þjórfé.
Auk þessa velur hver klefi tvo af fjórum mismunandi “pökkum”. Drykkjarpakki: Allir gosdrykkir, áfengir og óáfengir drykkir að 15$ innifalið. Matarpakkinn: þrisvar sinnum út að borða á sérstöku veitingastöðunum. WiFi: 250 mínútur á þráðlausa netinu um borð. Skoðunarferðapakki: 50 dollara inneign á klefa hvern dag til að nota í skoðunarferðir. Ath. Þessir tveir pakkar af fjórum eru innifaldur í verði og það þarf að velja drykkjarpakkann til að allir drykkir séu innifaldir. Þetta gildir aðeins fyrir 2 farþega í hverjum klefa. Ef þriðji farþegi bætist í klefann þá eru þessir pakkar ekki í boði fyrir þann farþega.
EKKI INNIFALIÐ: Skoðunarferðir í landi á vegum skipafélagsins ef fólk fer í þær.

Lágmarks þátttaka er 16 manns og áskiljum við okkur rétt til að fella ferðina niður ef næg þátttaka fæst ekki. Verð á ferð er reiknað út frá gengi USD og EUR á kaupdegi ferðar en verð á ferð getur breyst ef breyting verður á gengi ISK gagnvart USD og EUR.

Icelandair

11. ágúst. Keflavík – Róm

Flogið með Icelandair um Amsterdam til Rómar. Ekið sem leið liggur upp á hótelið þar sem við gistum í þrjár nætur.

Róm Colosseum

12. og 13. ágúst. Róm

Notum dagana til að skoða Róm, enda margt og mikið að sjá í þeirri merku borg.

Norwegian Getaway

14. ágúst. Siglingin hefst

Brottför frá hóteli um kl.10:30 og ekið til Civitavecchia. Breakaway leggur úr höfn klukkan 17:00.

Getaway

15. ágúst. Á siglingu

Á siglingu allan daginn og nóg að gera um borð, skoða skipið, liggja í sólbaði eða bara gera eitthvað annað skemmtilegt.

16. ágúst. Santorini

Komið til eyjarinnar kl 13:00 og gaman að vera uppi á dekki þegar siglt er að henni. Farið á ný kl 22:00.

17. ágúst. Mykonos

Komum til Mykonos kl 07:00 og farið á ný kl 14:00. Skemmtilegur lítill bær með þröngum götum og mjög gaman að ganga þar um.

Corfu í Grikklandi

18. ágúst. Korfú

Leggjum að bryggju kl 12:00 og farið aftur kl 19:00. Gaman að rölta upp að gamla kastalanum og síðan skoða sig um í miðbænum.

19. ágúst. Valletta

Lagt að bryggju í Valletta á Möltu kl 13:30 og farið á ný kl 22:00. Fallegur bær og glæsilegt hafnarsvæði.

20. ágúst. Messina

Komum til Messina á Sikiley kl 08:00 og dveljum þar til kl 17:00.

21. ágúst. Napolí

Komum hér kl 06:30 og förum á ný kl 16:30. Fyrir þá sem ekki hafa komið til Pompeii þá er það mjög áhugavert. Ítalir segja að Margareta pizzan hafi fyrst verð gerð hér og um að gera að smakka.

22. ágúst. Livorno

Komið kl. 09:00 og farið þaðan kl. 20:30. Flórens, Pisa (skakki turninn) og Cinque Terra eru meðal þess sem áhugavert er að skoða hér.

Sigling

23. ágúst. Siglingu lýkur

Komum til Civitavecchia kl 06:00 förum út á flugvöll og fljúgum heim í gegn um Amsterdam.

Fararstjóri:

Skúli Unnar Sveinsson - FararstjóriFararstjóri í ferðinni er Skúli Unnar Sveinsson. Skúli er stjórnmálafræðingur að mennt, starfaði lengi við blaðamennsku og við leiðsögn hjá Samvinnuferðum og Terra Nova á árum áður.

Skúli hefur mikla reynslu af því að sigla með hópa í skemmtisiglingum enda er oft sama fólkið að sigla með honum ár eftir ár.

Ánægðir viðskiptavinir Norrænu Ferðaskrifstofunnar er okkar aðalmarkmið og leggjum við metnað okkar í að vanda til verka og bjóða aðeins ferðir í hæsta gæðaflokki.

Sjá ummæli farþega hér.

Getaway Ocho Rios, Jamaica
Getaway Plank Sunset
Getaway Inside IB
Getaway Ocean Place
Getaway Ocean Place
Norwegian Getaway
Getaway
Norwegian Getaway
Norwegian Getaway
Norwegian Getaway
Norwegian Getaway
Getaway Balcony